ميزانية مصر 1833

ميزانية الدوله المصريه من 178 سنه ... :)) سنه 1833 ، ونركز على البند المعمول عليه هايلايت

هديه

عمري هديه في عيد ميلادي الصفر قبل الأولاني

والنهارده بأفتح السلوفان وأفك فيونكته

ولقيت حاجات جواه كتير

آخر عاديه أنما آخر عجب :

ساعه دهب

وكل ساعه في أي عمر تمر

تبقى من دهب

عفريت علب

ياتشوفه تضحك

أو تشوفه تموت من الخضه ، حسب

وعروسه حلوه بزنبلك

وعروسه تانيه حلوه من غير زنبلك

وتاج سجين

وقيود ملك

ولقيت ولد كوتشينه

يفضل هوا هوا في الورق مهما أنقلب

ولقيت كتب

ولقيت طرب

ولقيت شريط فيديو طويل

مكتوب عليه

خمسون عام من الصراع بين الصهاينه والعرب

وجهنم الحمرا لقيتها في محبره

والجنه برضه في محبره

ولقيت حصان عربي ومضماره غرا

ولقيت بابور من غير لهب

ولقيت في آخر العلبه كارت أبيض

عليه اسمي فقط ، والباقي لسه ما انكتب

احترت اعمل ايه انا في كل ده

يارب شكرآ أنما كان لازمته أيه التعب

كركبتهم في العلبه تاني كلهم

وقفلتها ولفيتها بالسلوفان

وظبطت الفيونكه تمام

ورميتها في سقف السما

أعلى فأعلى

والهديه تحولت صحبة يمام

أجري وراها للأبد

علشان أيه عملت كده أنا !؟

والله ما أعرفش السبب .

تميم البرغوثي